შპს „გენაცვალე ფუდ დელივერი“ (საქართველოს კანონმდებლობით რეგისტრირებული კომპანია, საიდენტიფიკაციო ნომრით 405624301, იურიდიული მისამართი: საქართველო, თბილისი, საბურთალოს რაიონი, იოსებიძის ქ., N 69) შემდგომში მოხსენიებული, როგორც „კომპანია“, წარმოდეგნილი წესდების საფუძველზე მოქმედი დირექტორის ვიაჩესლავ პოპოვის სახით (პ/ნ 01011008985), წარმოადგენს ვებ-გვერდის www.food-delivery.ge -ს (შემდგომში ვებ-გვერდი) მფლობელს და კომპანიას რომელიც წარმოდგენილია კულინარიული კერძების (შემდგომში - პროდუქტი) ონლაინ მაღაზიის სახით და რომელიც აკავშირებს კლიენტებს და კულინარიული კერძების ონლაინ მაღაზიას და უზრუნველყოფს კულინარიული კერძების მიწოდებას კლიენტის შეკვეთის შესაბამისად, წინამდებარე საჯარო შეთავაზების ხელშეკრულებაში ჩამოყალიბებული წესების შესაბამისად, რომელიც საქართველოს სამოქალაქო კოდექსის 329-ე მუხლის შესაბამისად წარმოადგენს ოფერტის ხელშეკრულებას.
ვებ-გვერდზე შემოთავაზებული სერვისებით სარგებლობამდე, კომპანია გთხოვთ, ყურადღებით გაეცნოთ წინამდებარე საჯარო შეთავაზების ხელშეკრულების პირობებს და ყველა სხვა პირობას თუ შეტყობინებას, რომელიც ხელმისაწვდომია ვებ-გვერდზე და თუ არ ეთანხმებით მათ, გთხოვთ, თავი შეიკავოთ წინამდებარე ხელშეკრულების პრობებთან დაკავშირებით აქცეპტის გაკეთებისგან.
წინამდებარე  საჯარო შეთავაზების ხელშეკრულების პირობებზე თანხმობით ფიზიკური ან იურიდიული პირი ხდება კლიენტი, ხოლო შპს „გენაცვალე ფუდ დელივერი“ და კლიენტი ერთობლივად - მხარეები.
წინამდებარე   შეთავაზების აქცეპტად ითვლება კლიენტის მიერ შეკვეთის განთავსება www.food-delivery.ge -ს ვებ-გვერდზე.

1. ტერმინთა განმარტება

• კომპანია - საქართველოს კანონმდებლობით რეგისტრირებული კომპანია, საიდენტიფიკაციო ნომრით 40562430, იურიდიული მისამართი: საქართველო, თბილისი, საბურთალოს რაიონი, იოსებიძის ქ., N 69.

• კლიენტი - ნებისმიერი ქმედუნარიანი ფიზიკური პირი 18 წლის ასაკიდან ან იურიდიული პირი წარმოდგენილი უფლებამოსილი პირის მიერ, რომელსაც აქვს განზრახული განათავსოს ან განთავსებული აქვს შეკვეთა კომპანიის მიერ შემოთავაზებული პროდუქტის შეძენასთან დაკავშირებით.
• შეკვეთის განთავსების საშუალება - კომპანიის ოფიციალური ვებ-გვერდი www.food-delivery.ge, ან კომპანიის ოფიციალური აპლიკაცია მობილური მოწყობილობებისთვის, შეკვეთის დამუშავების ფუნქციებით.

• პროდუქტები - კულინარიული კერძები, რომლებსაც კომპანია ამზადებს ინდივიდუალური კვების მენიუს, ქეითერინგის თუ ლანჩის მენიუს სახით და სთავაზობს კლიენტებს ვებ-გვერდზე განთავსების გზით.

• შეკვეთის განთავსება - გულისხმობს კლიენტის მოთხოვნას, რომელიც ივსება ვებ-გვერდზე განთავსებულ განაცხადის ფორმაში, ვებ-გვერდზე შეთავაზებული ნებისმიერი კულინარიული კერძის შეძენის და მიწოდების მომსახურების შეძენის მიზნით.
• ოფერტის ხელშეკრულება - გულისხმობს კომპანიის საჯარო შეთავაზების ხელშეკრულებას საქართველოს სამოქალაქო კოდექსის 329-ე მუხლის შესაბამისად, რომელიც მიმართულია შეუზღუდავი რაოდენობის ფიზიკური და იურიდიული პირების მიმართ, რომლებიც დაინტერესებულნი არიან კომპანიის მიერ შემოთავაზებული პროდუქტის შეძენით.
• შეკვეთის საფასური - შეკვეთაში დაფიქსირებული როგორც პროდუქტის ასევე მიწოდების  საფასური ერთობლივად.
• აქცეპტი - წინამდებარე საჯარო შეთავაზების ხელშეკრულების პირობების მიღება.
• შეკვეთის გაუქმება - თუ შეკვეთის გადახდა არ მოხდა დაწყებიდან 30 წუთის განმავლობაში, ის ავტომატურად გაუქმდება.

2. ზოგადი დებულებები
2.1. წინამდებარე ხელშეკრულების თანახმად, კომპანია, საფასურის სანაცვლოდ, კლიენტს უწევს მომსახურებას კულინარიული კერძებისა მომზადებასა და მიწოდებასთან დაკავშირებით, ხოლო კლიენტი კი კისრულობს ვალდებულებას გადაიხადოს კომპანიის მიერ მიწოდებული პროდუქციის და მომსახურების საფასური.
2.2. შეკვეთის განთავსებამდე კლიენტი უნდა გაეცნოს წინამდებარე საჯარო შეთავაზების ხელშეკრულების პირობებს. კლიენტი შეკვეთის განთავსებით ადასტურებს კლიენტის მიერ წინამდებარე საჯარო შეთავაზების ხელშეკრულების წესების გაცნობას და თანხმობას მასში ჩამოყალიბებული ყველა პირობასთან მიმართებაში.
2.3. კომპანიის რომელიმე ან ყველა სერვისის გამოყენებით, კლიენტი ცალსახად აღიარებს შემდეგს:

• კლიენტმა წაიკითხა და გაიაზიარა პირობები;
• კლიენტი თანახმაა მიიღოს საჯარო შეთავაზების ხელშეკრულების პირობებით განსაზღვრული ვალდებულებები;
• კლიენტი არის ქმედუნარიანი და უფლებამოსილია დაეთანხმოს წინამდებარე საჯარო შეთავაზების ხელშეკრულების პირობებს;
• კლინეტი წინამდებარე საჯარო ხელსეკრულების შეთავაზების მიღებით იძლევა თანხმობას მისი პერსონალური მონაცემების დამუშავებაზე, გამოყენებასა და შენახვაზე კომპანიის საიტზე განთავსებული კონფიდენციალობის პოლიტიკის შესაბამისად.

2.4. კლიენტს შეუძლია მიიღოს საიტზე განთავსებული და გადახდილი შეკვეთა მითითებულ მისამართზე, რომელიც გულისხმობს  მიწოდებას უშუალოდ კომპანიის წარმომადგენლის ან უფლებამოსილი პირის მიერ.
2.5. კომპანია არ არის პასუხისმგებელი მომხმარებლის მიერ შეკვეთის განთავსებისას მოწოდებული ინფორმაციის შინაარსსა და სიზუსტეზე. არაზუსტი ინფორმაციის მიწოდების შემთხვევაში შეკვეთაში მითითებულ მისამართზე მიწოდება გულისხმობს კომპანიის მიერ ვალდებულების სრულფასოვნად შესრულებას.
2.6. პროდუქტის შესახებ ვებ-გვერდზე განთავსებული ინფორმაცია შეიძლება განსხვავდებოდეს რეალურად მიწოდებული პროდუქტებისგან, პროდუქტების თვისებებისა და მახასიათებლების, ფერის, ზომისა და ფორმის, ბუნებრივი პროცესების ან ასეთი პროდუქტების თვისებების გამო.
2.7. კომპანია ყიდის პროდუქტებს და მათ მიწოდებას ახორციელებს შეკვეთის განთავსების ფორმაში წარმოდგენილი ფასების შესაბამისად, რომლებიც  განისაზღვრება კომპანიის მიერ ცალმხრივად. კომპანია იტოვებს უფლებას შეიტანოს ცვლილებები პროდუქციის და მიწოდების ფასში.
2.8. შეკვეთის განთავსებასთან დაკავშირებით კლიენტის მიერ კომპანიისათვის გაგზავნილი განაცხადი  უნდა შეიცავდეს შემდეგ ინფორმაციას:

• შეკვეთის მიმღების სახელი;
• შეკვეთის მიმღების საკონტაქტო ტელეფონის ნომერი;
• შეკვეთილი პროდუქციის სია;
• შეკვეთის მიწოდების მისამართი;
• შეკვეთის მიტანის სასურველი დრო.

2.9. კლიენტის მიერ წინამდებარე საჯარო შეთავაზების ხელშეკრულების ფარგლებში განხორციელებული ნებისმიერი ქმედება ითვლება კლიენტის მიერ შესრულებულად და სავალდებულოა კლიენტისთვის და აკისრებს მას ამ საჯარო შეთავაზების ხელშეკრულებით გათვალისწინებული ვალდებულებებს.
2.10. შეკვეთის დამტკიცების პროცედურა:

• კლიენტი ეცნობა კომპანიის პროდუქტებს ვებ-გვერდის გამოყენებით;
• კლიენტი უტოვებს განაცხადს კომპანიას ვებ-გვერდზე არსებული შეკვეთის განთავსების ფორმის გამოყენებით;
• კლიენტი შეკვეთის განთავსებიდან არაუგვიანეს 30 წუთისა ახდენს ანგარიშსწორებას;
• კომპანია იწყებს  შეკვეთაში დაფიქსირებული პროდუქტის მომზადებას ანგარიშწორების შესახებ ინფორმაციის მიღებისთანავე;
• კომპანია აწვდის პროდუქციას კლიენტს ამ უკანასკვნელის მიერ დაფიქსირებულ მისამართზე, მის მიერ მოთხოვნილ დროში და მისამრთზე.

2.11. კლიენტს უფლება აქვს შეკვეთაში ცვლილებები შეიტანოს მხოლოდ გადახდის განხორციელებამდე.
2.12. კომპანია უფლებამოსილია მოიწვიოს მესამე პირები წინამდებარე საჯარო შეთავაზების ხელშეკრულების შესრულების უზრუნველსაყოფად, რომელთა ქმედებებზე კლიენტის წინაშე პასუხისმგებელია უშუალოდ კომპანია, როგორც საკუთარი ქმედებებისათვის.  კომპანია პასუხისმგებელია კლიენტის წინაშე ჩართული მესამე მხარის ქმედებებზე.
2.13. წინამდებარე საჯარო შეთავაზების ხელშეკრულების ფარგლებში კომპანია მიწოდების მომსახურებას ახორციელებს მხოლოდ შემდეგ ტერიტორიაზე: საქართველო, ქ. თბილისი. 
2.14. კომპანია არ იძლევა გარანტიას, იმასთან დაკავშირებით, რომ ვებ-გვერდი იმუშავებს ყოველგვარი ხარვეზის გარეშე, რადგან ვებ-გვერდის ფუნქციონირება შეიძლება დაირღვეს მესამე მხარის ქმედებების, ფორსმაჟორული და სხვა გარემოებების გამო, რომელთა აღკვეთა ან დაძლევა სცილდებოდეს კომპანიის შესაძლებლობებს.

3. ცვლილებები და განახლებები
3.1. კომპანია იტოვებს უფლებას პერიოდულად გადახედოს ან შეცვალოს წინამდებარე საჯარო შეთავაზების ხელშეკრულების პირობები საკუთარი შეხედულებისამებრ.
3.2. ასეთი ცვლილებების შემთხვევაში, კომპანია ვებ-გვერდზე განათავსებს განახლებულ პირობებს ყოველგვარი შეტყობინების გარეშე, ბოლო განახლების თარიღის მითითებით.
3.3. თუ სხვა რამ არ იქნება მითითებული, განახლებული პირობები ამოქმედდება დაუყოვნებლივ, გამოქვეყნების შემდეგ.
3.4. განახლებული პირობების გამოქვეყნების შემდეგ კომპანიის მომსახურების გამოყენების შემთხვევაში, კლიენტი აცხადებს თანხმობას განახლებულ პირობებზე.
3.5. კომპანია მოუწოდებს კლიენტს რეგულარულად გადახედოს კომპანიის ვებ-გვერდზე განთავსებულ ნებისმიერი ცვლილებს.
3.6. თუ კლიენტი არ ეთანხმება წინამდებარე პირობებს ან შემდგომ რომელიმე განახლებას ან ცვლილებას, კლიენტმა უნდა შეწყვიტოს კომპანიის ვებ-გვერდზე წვდომა და მისი შემდგომი გამოყენება.

4. მხარეთა უფლებები და მოვალეობები
4.1. კომპანია კისრულობს ვალდებულებას:
4.1.1. მიაწოდოს კლიენტს ყველა საჭირო ინფორმაცია კულინარიული კერძებისა მომზადებისა და მიწოდების მომსახურების ღირებულების, ვადების და პირობების შესახებ.
4.1.2. უზრუნველყოს კლიენტის წინაშე თავისი ვალდებულებების შესრულება წინამდებარე საჯარო შეთავაზების ხელშეკრულებით დადგენილი პირობებით და საქართველოს მოქმედი კანონმდებლობის მოთხოვნების შესაბამისად.
4.1.3. განათავსოს ინფორმაცია წინამდებარე საჯარო შეთავაზების ხელშეკრულების პირობების განახლების და ცვლილებების შესახებ.
4.2. კომპანია უფლებამოსილია:
4.2.1. ცალმხრივად შეცვალოს წინამდებარე საჯარო შეთავაზების ხელშეკრულების პირობები.
4.2.2. მოითხოვოს კლიენტისგან შეკვეთის ფასის წინასწარ გადახდა 100%-ის ოდენობით.
4.2.3. ცალმხრივად უარი თქვას შეკვეთის შესრულებაზე, თუ შეუძლებელია შეკვეთის კლიენტისთვის მიწოდება. ასეთი შემთხვევები მოიცავს:

• კლიენტის ან კლიენტის მიერ შეკვეთის მიმღებად მითითებული პირის მიერ შეკვეთის მიღებაზე უარის თქმა ან თავის არიდება;
• თუ ფორს-მაჟორული გარემოებების გამო კომპანიას არ შეუძლია პროდუქციის მიწოდების უზრუნველყოფა.

4.2.4. მოითხოვოს კლიენტისაგან წინამდებარე საჯარო შეთავაზების ხელშეკრულების შესასრულებლად საჭირო ყველა ინფორმაცია.
4.2.5. შეცვალოს მიწოდების დრო, გაუთვალისწინებელი გარემოებების არსებობის შემთხვევაში, მათ შორის კომპანიის მიერ დიდი რაოდენობით შეკვეთების მიღების, გზებზე საცობებისა და ავარიების, არასასურველი ამინდის პირობების, მიწოდების სატრანსპორტო საშუალების ავტოსაგზაო შემთხვევის და სხვა გაუთვალისიწნებელი გარემოებების გამო, რომლებიც ობიექტურად შეუძლებელს ხდიან მიწოდების შესრულებას დადგენილ დროში.
4.2.5. უარი თქვას კლიენტთან ხელშეკრულების დადებაზე წინამდებარე საჯარო შეთავზების ხელშეკრულების დებულებებზე კლიენტის სრული და უპირობო თანხმობის არ არსებობის შემთხვევაში.
4.3. კლიენტი კისრულობს ვალდებულებას:
4.3.1. შეკვეთის განთავსებამდე გაეცანოს წინამდებარე საჯარო შეთავზების ხელშეკრულების შინაარსს და პირობებს, აგრეთვე პროდუქტებს და მათ სრულ შემადგენლობას და მიწოდების პირობებს.
4.3.2. დამოუკიდებლად გააკონტროლოს ვებ-გვერდზე შეკვეთის განთავსების წესების ცვლილებები და განახლებები.
4.3.3. მკაცრად დაიცვას წინამდებარე პირობების დებულებები და ყველა სხვა პირობა, რომელიც განთავსებულია ვებ-გვერდზე.
4.3.4. გადაიხადოს შეკვეთის ღირებულება სრულად შეკვეთის განთავსებისთანავე;
4.3.5. მიაწოდოს სანდო მონაცემები, რომლებიც აუცილებელია კომპანიისთვის კლიენტისთვის განთავსებული შეკვეთის მიწოდებისთვის.
4.4. კლიენტს უფლება აქვს:
4.4.1. განათავსოს შეუზღუდავი რაოდენობის შეკვეთები ვებ-გვერდის მეშვეობით, წინამდებარე საჯარო შეთავაზების ხელშეკრულებით გათვალისწინებული შეზღუდვების გათვალისწინებით.
4.4.2. დამოუკიდებლად შეარჩიეთ შეკვეთის გადახდის მეთოდი ვებ-გვერდზე ასახული ვარიანტებიდან, წინასწარ, გადახდის განხორციელებამდე გაეცანოს და დაეთანხმოს გადახდის წესებს.
4.4.3. მიიღოს ინფორმაცია კომპანიის პროდუქტების შესახებ.

5. შეკვეთის გადახდა
5.1. ინფორმაცია გადახდის მეთოდების შესახებ ხელმისაწვდომია ვებ-გვერდზე.
5.2. შეკვეთის მომზადება არ დაიწყება,  სანამ შეკვეთა სრულად არ იქნება გადახდილი.
5.3. ფასები გამოქვეყნებულია ვებ-გვერდზე ლარში.
5.4. კლიენტი აღიარებს და ეთანხმება, რომ შეკვეთა გაუქმდება თუ კი არ მოხდება გადახდა შეკვეთის განთავსებიდან 30 წუთის განმავლობაში, ან გადახდილი იქნება არასრულად.

6. პროდუქციის დაბრუნება და გაცვლა
6.1. კომპანია ვალდებულია კლიენტს მიაწოდოს პროდუქტები, რომლებიც სრულად შეესაბამება შეთანხმებულ შეკვეთას ხოლო ხარისხი კი შეესაბამება კლიენტისთვის მიწოდებულ ინფორმაციას.
6.2. შეკვეთის მიღებისთანავე კლიენტი ამოწმებს მიღებული პროდუქციის შესაბამისობას შეთანხმებულ შეკვეთასთან. მიღებული პროდუქციის შეთანხმებულ შეკვეთასთან შეუსაბამობის შემთხვევაში, შეკვეთის მიღებიდან 5 წუთის განმავლობაში კლიენტს უფლება აქვს მოითხოვოს ასეთი პროდუქციის შეცვლა შესაბამისი პროდუქციით, რის შესახებაც უნდა აცნობოს კომპანიას, ან მოითხოვოს შეკვეთის ღირებულების შემცირება თუ კი მიწოდებულია უფრო ნაკლები ოდენობის პროდუქცია, ან მოითხოვოს თანხის უკან დაბრუნება.
6.3. 6.2. პუნქტში მითითებული ვადის გადაცილების შემთხვევაში ითვლება რომ მიწოდება შესრულებილია სათანადო წესით და კლიენტს არ გააჩნია პრეტენზია.
6.4. კომპანიის მიერ პროდუქციის გადაცვლა ხორციელდება შესაბამისი ხარისხის მსგავსი პროდუქტით, ან კლიენტთან შეთანხმებით და მისი არჩევით მსგავსი ღირებულების სხვა პროდუქტით. ამ შემთხვევაში, ადრე გადახდილი თანხები გამოყენებული იქნება ახლად შერჩეული პროდუქტების ღირებულების ასანაზრაურებლად. პროდუქციის გაცვლა და მიწოდება ხდება კომპანიის ხარჯზე.
6.5. კომპანია უფლებამოსილია უარი თქვას პროდუქციის კლიენტთან გაცვლაზე, თუ დადგინდა კლიენტის მხრიდან უკანონო ქმედებები, პროდუქციის დაზიანება, თაღლითური ქმედებები და ა.შ.
6.6. კლიენტისთვის გადასახდელი თანხის უკან დაბრუნება ხდება კლიენტის წერილობითი განცხადების საფუძველზე. თუ განაცხადი კლიენტისთვის თანხის დაბრუნების შესახებ დასაბუთებული იქნება,  კომპანია  თანხას დაუბრუნებს უკან კლიენტის წერილობითი განცხადების მიღებიდან 14 დღის ვადაში მხარეთა მიერ შეთანხმებული გადახდის საშუალების გადმოყენებით.

7. ფორს-მაჟორი
7.1. მხარეები თავისუფლდებიან პასუხისმგებლობისგან წინამდებარე საჯარო შეთავაზების ხელშეკრულებით ნაკისრი ვალდებულებების ნაწილობრივი ან სრული შეუსრულებლობისთვის, თუ ეს შეუსრულებლობა იყო ფორს-მაჟორული გარემოებების შედეგი, რომლის განჭვრეტა ან თავიდან აცილება მხარეებს არ შეეძლოთ. ფორს-მაჟორულ გარემოებებს განეკუთვნება: წყალდიდობა, ხანძარი, მიწისძვრა და სხვა ბუნებრივი მოვლენები, ასევე ომი, საომარი მოქმედებებს, ბლოკადა, ხელისუფლებისა და სახელმწიფო ორგანოების ამკრძალავი ქმედებები, საერთაშორისო სანქციები, კავშირგაბმულობისა და ელექტრომომარაგების განადგურება, აფეთქებები, გზების გადაკეტვა, ავარიები კომუნალური მომსახურების ქსელებზე, ცხელი და ცივი წყლის მიწოდების გათიშვა, გათბობის გათიშვა და  ა.შ.

8. საჯარო შეთავაზების ხელშეკრულების მოქმედების ვადა
8.1. წინამდებარე საჯარო შეთავაზების ხელშეკრულება მოქმედებს კლიენტისგან შეკვეთის განთავსების მომენტიდან და მოქმედებს მხარეთა მიერ ნაკისრი ვალდებულებების სრულად შესრულებამდე.

9. პასუხისმგებლობის შეზღუდვა
9.1. კლიენტს ეკისრება პასუხისმგებლობა ყველა პოტენციურ რისკზე, რომელიც დაკავშირებულია მის ქმედებებთან, მათ შორის შეკვეთის განთავსებისას მითითებულ მონაცემებში დაშვებულ შეცდომაზე და უზუსტობაზე.
9.2. კლიენტი ეკისრება პასუხისმგებელობა მის მიერ შეკვეთის მიმღებად მითითებული პირების ქმედებების გამო.
9.3. წინამდებარე საჯარო შეთავაზების ხელშეკრულებით ნაკისრი ვალდებულებების შეუსრულებლობის ან არაჯეროვნად შესრულების შემთხვევაში მხარეები პასუხს აგებენ საქართველოს მოქმედი კანონმდებლობის შესაბამისად.
9.4. კომპანია არ არის პასუხისმგებელი კლიენტისთვის ან მესამე პირისათვის მიყენებული ზიანისთვის, კლიენტის ან მესამე მხარის მიერ პროდუქციის არასათანადო გამოყენების გამო, მათ შორის მათი დანიშნულების გარდა სხვა მიზნებისთვის გამოყენების გამო.

10. ინტელექტუალური საკუთრება
10.1. კომპანია იცავს სხვათა უფლებებს ინტელექტუალურ საკუთრებასთან დაკავშირებით. კომპანიის პოლიტიკა გულისხმობს ნებისმიერი პრეტენზიის განხილვას, რომელიც ამტკიცებს, რომ ვებ-გვერდის შინაარსი არღვევს საავტორო უფლებებს ან ინტელექტუალური საკუთრების სხვა ფორმებს. იმ შემთხვევაში, თუ კი კლიენტი ან ვებ-გვერდის სტუმარი არის საავტორო უფლებების მფლობელი და გაუჩნდა ეჭვი, რომ მათი საავტორო უფლებებით დაცული ნამუშევარი გამოყენებულია იმგვარად, რომ წარმოადგენს საავტორო უფლებების დარღვევას, კლიენტს ან ვებ-გვერდის სტუმარს შეუძლია გამოაგზავნოს შეტყობინება შემდეგი ელექტრონული ფოსტის მისამართზე Genatsvalefooddelivery@gmail.com სავარაუდო დარღვევის დეტალური აღწერით.

11. დავის გადაწყვეტა და მოქმედი სამართალი
11.1. მხარეებს შორის ხელშეკრულებაზე, ხელშეკრულებასთან და/ან მის შესრულებასთან დაკავშირებით წარმოშობილი ყველა დავის და უთანხმოების გადაჭრას მხარეები შეეცდებიან მოლაპარაკებების გზით. პრეტენზიით დაწყებული დავის გადაწყვეტის პროცედურაში ჩართვა სავალდებულოა.
11.2. წინამდებარე საჯარო შეთავაზების ხელშეკრულებით გათვალისწინებული პირობების დარღვევის შემთხვევაში მხარე პრეტენზიებს წარუდგენს მეორე მხარეს საქართველოს მოქმედი კანონმდებლობით გათვალისწინებული წესით და პირობებით. კლიენტის ადგილსამყოფელის/ადგილმდებარეობის მიუხედავად.
11.3. თუ მოლაპარაკების შედეგად მხარეებმა ვერ მიაღწიეს ორმხრივ მისაღებ გადაწყვეტილებას წერილობითი პრეტენზიის წარდგენიდან 10 დღის ვადაში, დავა განიხილება თბილისის საქალაქო სასამართლოში.

12. დასკვნითი დებულებები
12.1. კლიენტისთვის გასაგებია საჯარო შეთავაზების ხელშეკრულების შინაარსი, სრულად და უპირობოდ იღებს მის ყველა პირობას ყოველგვარი გამონაკლისის ან/და შეზღუდვის გარეშე.
12.2. ზოგადი ინფორმაცია ითვლება კლიენტისთვის მიწოდებულად, თუ ის განთავსებულია კომპანიის ვებ-გვერდზე www.food-delivery.ge ან და აპლიკაციაში.
12.3. მხარეები ადასტურებენ, რომ ისინი სრულად და ცალსახად აცნობიერებენ და მათვის გასაგებია წინამდებარე საჯარო შეთავაზების ხელშეკრულების საგანი და შინაარსი, თითოეული მხარის უფლებები და მოვალეობები, რომლებიც გამომდინარეობს ან დაკავშირებულია ხელშეკრულების განხორციელებასთან, ხელშეკრულებაში მიღებული ტერმინების არსი, აგრეთვე საჯარო შეთავაზების ხელშეკრულების ტექსტის მხარეთა განზრახვებთან და ნებასთან შესაბამისობა. ხელშეკრულება გაფორმებულია მხარეთათვის ხელსაყრელი პირობებით და არ წარმოადგენს მათზე მძიმე გარემოებების ზემოქმედების შედეგი.
12.4. ყველა სხვა საკითხზე, რომელიც არ არის გათვალისწინებული წინამდებარე საჯარო შეთავაზების ხელშეკრულებით, მხარეები იხელმძღვანელებენ საქართველოს მოქმედი კანონმდებლობით.

13. საკონტაქტო ინფორმაცია
13.1. თუ კლიენტს ან ვებ-გევრდის სტუმარს გაუჩნდება შეკითხვები წინამდებარე საჯარო შეთავაზების ხელშეკრულების პირობებთან დაკავშირებით, ამ პირობებიდან გამომდინარე უფლებებსა და მოვალეობებთან დაკავშირებით, კომპანიის სერვისების გამოყენებასთან დაკავშირებით, ან სურს იდეების, რეკომენდაციების და წინადადებების გაზიარება, გთხოვთ, დაუკავშირდეთ კომპანიას ელექტრონული ფოსტით Genatsvalefooddelivery@gmail.com ან გამოიყენოთ ვებ-გვერდზე განთავსებული განაცხადის ფორმა.
14. კომპანიის რეკვიზიტები
იურიდიული მისამართი: საქართველო, თბილისი, საბურთალოს რაიონი, იოსებიძის ქ., N 69
ს/ნ: 772405304572
ბანკი: სს
ა/ნ
ტელ.: +995 500 505 081
ელფოსტა: Genatsvalefooddelivery@gmail.com